Скандал во живо: Познат екс-фудбалер со брутални пцовки удри по ФИФА, Трамп и Инфантино!

Повеќе нема „цици-мици“! Контроверзниот поранешен фудбалер на Хајдук и Динамо, Јошко Јеличиќ, повторно се врати пред камерите и направи вистински земјотрес во јавноста. Откако беше принуден да се повлече од емисијата „Студио ХНЛ“ поради обвиненијата од УСКОК за лажно сведочење во случајот со Здравко Мамиќ, Јеличиќ со месеци се криеше од медиумите.

Сега, како гостин во подкастот „Трибина“, тој откри дека морал максимално да се изолира бидејќи бил „предозиран од фудбал“ од кој морал буквално да се лекува. Но, штом се вклучија камерите, стариот Јеличиќ се врати во полн сјај и без трошка совест удри по актуелното Светско првенство.

„Ги набивам на стапов сите!“

Јеличиќ не штедеше зборови и веднаш ја крена атмосферата до вжештување. Тој отворено призна дека чувствува чисто гадење од она во што се претвори најважната споредна работа во светот.

„Искрено, ги набивам на к*р и ова Светско првенство, и ФИФА, и Трамп, и Инфантино… и уште еднаш Инфантино!“ – испали поранешниот репрезентативец во живо.

Според него, моќниците целосно го киднапираа фудбалот од обичниот народ и од сиромашните слоеви, за кои овој спорт првично и постоеше. Наместо тоа, денес гледаме само политика, невидена алчност и болна трка по милиони.

Ролекси, Џеј Зи и Дрејк – фудбалот стана играчка за богаташи

Новиот формат на Светското првенство со дури 48 репрезентации за Јеличиќ е чиста пропаст. Иако на почетокот му личело на добра идеја, тој брзо сфатил дека се работи за насилна „американизација“ на спортот каде што профитот на богатата клиентела е на прво место.

„Кога ќе ги видам цените на билетите и ложите полни со ликови како Џеј Зи или Дрејк кои ги шетаат своите Ролекси… Мене ми се повраќа од тоа! Го згадија фудбалот“, рече тој, додаваќи дека единствена светла точка му биле некои моменти од Хрватска и Босна и Херцеговина.

Доказ за корупција: Како Американците се спасија од црвен картон?

Како најсилен доказ за тоа дека политиката ги има вмешано прстите во спортот, Јеличиќ ја посочи скандалозната одлука за поништување на црвениот картон на американскиот напаѓач Фоларин Балогун. За него, ова е врв на лицемерието.

Тој јавно ја прозва ФИФА дека глуми морал кога им забранува на локалните фудбалски сојузи да се мешаат во политиката, додека самата ФИФА прави бесрамни политички отстапки зад кулисите. „По ваква одлука, веќе нема никаква веродостојност. Сè е чиста корупција и пикање пари во џебови“, заклучи лутиот Јеличиќ.

Преземено од: Sportnet.hr