Кога светлата во студиото на „Звезде Гранда“ се насочија кон Бојан Илиевски, а публиката со громогласен аплауз го поздрави новиот победник, јавноста виде крунисување на еден голем музички талент. Но, вистината е дека Бојан победи многу пред да го крене “златниот” трофеј во рацете. Неговата најголема победа не се случи на големата сцена, туку зад кулисите на животот, каде што успеа да го победи она што најтешко се победува – самиот себе и суровата реалност.
Животната борба на Бојан Илиевски: Од маките со пороците до ѕвездите
Патот на ова момче до ѕвездите беше поплочен со трње. Бојан зад себе има тежок живот во кој на многу рана возраст ги губи своите родители и од тогаш за него се грижи неговата баба. Како тоа да не беше доволно, во неговиот живот се прикраде и најопасниот порок – коцката. Тоа беше неговата внатрешна битка во која во еден момент, точно во петтиот круг од натпреварувањето, сакаше да крене раце од сè и да се откаже од музиката. Но, судбината имаше поинаков план. Музиката не го напушти, таа беше неговиот појас за спасување.
Поддршката од бабата и татковската улога на Ѓорѓе Давид
На тој пресвртен пат, клучната улога ја одигра неговиот ментор Ѓорѓе Давид. Односот меѓу нив двајца брзо ги надмина границите на професионалната соработка. Ѓорѓе не беше само строг учител; тој стана негов духовен ментор и застана до него како вистински татко. Поставувајќи му го ултиматумот „или-или“, Ѓорѓе со цврста рака го извлече Бојан од работ на бездната, не дозволувајќи му на неговиот талент да пропадне. Му даде поддршка, насока и татковска љубов која на Бојан му беше повеќе од потребна. Покрај Ѓорѓе, неговиот најголем ангел чувар на снимањата беше неговата баба од мајчина страна. Нејзиното присуство во студиото, нејзините топли очи и безусловна поддршка му ги даваа последната капка сила и мотив да застане на сцената и да се бори докрај.
Емоција која ја расплака поранешна Југославија
Кога Бојан конечно ќе застанеше пред микрофонот, сета таа болка, сите тие маки од минатото се претвораа во уметност. Целата поранешна Југославија не можеше да остане рамнодушна на неговите изведби. Публиката веднаш ја препозна таа чиста, оголена и искрена емоција која Бојан ја пренесуваше со неверојатна леснотија, право во срцето. Особено моќни беа неговите изведби на тешките ромски песни, во чии текстови тој со секој збор се препознаваше и длабоко се поврзуваше. Стиховите како „Несреќан сам од малена, од све муке песме певам…“ како и “Шутка и топана имаат една мана” не беа само обични текстови за него – тоа беа тригери со кои уште повеќе се поврза со публиката од Вардар до Триглав.
Госпоџо и госпоџи љубим вам каракатер – Оргинален досега невиден настап во полуфиналето
Eее јел има неки динар за нас … Феномeнална изведба во комбинација со извонредниот текст и музика на нашата легенда Влатко Стефановски која едноставно никого не може да го остави рамнодушен погледнете и напите се една ракиичка или пивце да му наздравиме на нашиот Боки за извонредниот успех!
Оваа спектакуларна победа во најпопуларното регионално музичко шоу „Звезде Гранда“ е само праведна награда за неговиот раскошен талент. Сепак, пред сè, ова е една огромна животна победа на разумот, упорноста и на неговата чиста душа која не дозволи тешкото минато да ја скрши. Бојан Илиевски пред очите на милионскиот аудиториум јасно докажа дека кога поседуваш челична волја, кога со себе носиш искрена љубов кон музиката и кога имаш вистински луѓе кои безрезервно веруваат во тебе, можеш да се издигнеш од пепелта како вистински шампион на животот. Неговата приказна е мотив за секој еден млад човек кој се соочува со тешки искушенија, докажувајќи дека светлото на крајот од тунелот секогаш постои за оние кои се борат со срце.
Искрено, ненаметливо и спонтано Бојан ги освои срцата на публиката од цела бивша ЈУ.
Секоја чест за момчето и го чекаме неговиот прв концерт во Скопје и секако цела Македонија и бивша Југославија!
