Кога мислите дека видовте сè од него, Лионел Меси ќе најде начин повторно да го шокира и замолчи фудбалскиот свет. Во полуфиналето на Светското првенство против Англија, не гледавме само капитен кој се бори – гледавме фудбалски професор кој одржа лекција по тактика, читање на играта и сурова борбеност кога е најпотребно.
Содржина на статијата
🇦🇷 Роден во градот на бунтовниците и револуционерите
За да се разбере карактерот на Меси, мора да се погледне неговото родно место. Тој е роден во Росарио, истиот оној аргентински град каде што е роден и легендарниот револуционер Че Гевара. Исто како Че, Меси во себе носи еден поинаков, тивок бунт – бунт против годините, против логиката и против сите оние кои велеа дека неговото време поминало. Во Росарио очигледно се раѓаат луѓе кои се подготвени да го променат светот, секој на свој начин.
Не трча, туку ја „скенира“ играта
Честопати критичарите велат дека Меси „шета“ по теренот. И на овој натпревар против Англија јасно се гледаше дека тој во одредени моменти едноставно оди. Но, тоа не е мрзеливост, туку неговата најголема супермоќ. Додека чекори, Меси како со скенер ја чита поставеноста на противникот, бара празен простор и точно знае каде и кога треба да се постави за да направи штета. Тој математички прецизно ги штеди своите сили за моментот кога треба да го зададе клучниот удар.
И токму затоа, податокот кој излезе по натпреварот остава без здив: Лео Меси против Англија претрча неверојатни 8,37 километри!
За некого тоа е просек, но за Меси ова е најголемата километража што ја има претрчано на еден натпревар на ова Светско првенство кој завршил во регуларните 90 минути, без продолженија. Тоа покажува дека кога влогот е историја, тој не се штеди. Тој тактички одеше за да ја прочита одбраната, но кога ќе се активираше, беше незапирлив.
Зошто споредбата со Кристијано Роналдо едноставно не држи?
Многумина со години водат дебати и го споредуваат Меси со Кристијано Роналдо, но вистината е дека таа споредба веќе нема никаква смисла. Роналдо е класичен егзекутор – врвен стрелец кој во шеснаесетникот чека неговите соиграчи да му ја додадат топката за да постигне гол. Без соменение најдобар со Меси во последниве даваесет години, но сепак споредбата не држи бидејќи Роналдо во првиот дел од својата кариера беше лево крило па подоцна Мурињо го прешалта на класичен центарфор. Нивното ривалство е коректно и спортско и двајцата имаат замна почит и имаат изјавено дека нивниот ривалитет придонел да станат подобри играчи. Арно ама сепак во фудбалска смисла Меси може да се спореди едиснтвено со класичните десетки како Пеле и Марадона.
Меси, од друга страна, е комплетен фудбалски систем. Тој не чека никого. Лео самиот се спушта длабоко во средината, го диктира темпото на целиот меч, организира напади и ги разигрува соиграчите. Меси не е тука само за голови; тој ги креира шансите за сите. Круната на таа негова совршена проценка беа двете магични асистенции (за Ензо Фернандез и Лаутаро Мартинез) кои буквално го скршија англиското срце. Со тие два паса докажа дека ја гледа играта три чекори пред сите други.
Единствено може да се спореди со Марадона
Иако нивната фудбалска генијалност е идентична, неговата приказна е сосема различна од онаа на Диего Марадона. Во времето на Диего, фудбалерите не беа заштитени и јадеа ќотек како магариња за жал и Диего беше еден од тие а башка околу него се собираа луѓе со сомнително минато кои сакаа само да го искористат, што го однесе кон дрогата и пороците, завршувајќи ја неговата кариера прерано. Меси за Марадона има изјавено „Дури и да играм милион години, никогаш не би можел да му се доближам на Диего. Тој е најголемиот на сите времиња“. Лео има најголема подршка од неговата сопруга Антонела Рокузо и нивните деца. Неговиот мирен, стабилен и семеен живот му овозможи прибежиште од медиумскиот притисок и му овозможи кариера која на највисоко ниво трае речиси две децении, без ниту еден скандал.
Не е арогантен, едноставно повлечен
Низ кариерата, некои критичари често му замеруваат на Меси дека понекогаш изгледа ладен, дека одбива да се слика со деца или дека знае да ги игнорира навивачите кои го чекаат со часови. Но, оние кои навистина го познаваат, знаат дека тоа нема никаква врска со ароганција. Меси е едноставно повлечен, срамежлив и интровертен тип на човек. Тој никогаш не сакал камери, рефлектори и лажен сјај. Неговата тишина и потреба за приватност честопати погрешно се толкуваат, но тој го претпочита мирот пред евтиниот маркетинг.
Погледот кон небото: Посвета за жената која го создаде
Таа негова повлеченост е поврзана и со една од најсериозните рани во неговиот живот. Секој пат кога Меси постигнува гол, тој ги крева рацете и гледа нагоре кон небото. Тој гест не е само верски обичај – тоа е благодарност до неговата баба Целија, која почина кога тој беше уште дете. На почетокот, кога сите велеа дека Лео е премногу мал и слаб за фудбал, баба Целија беше единствената која веруваше во него. Таа прва го фати за рака и го однесе на првите фудбалски тренинзи, притискајќи ги тренерите да му дадат шанса. Секој негов успех денес е всушност исполнување на ветувањето дадено на неа.
Крвта не е вода: Италијанските и Каталонските корени на аргентинскиот крал
Иако неговото срце ѝ припаѓа на Аргентина, Меси во своите вени има интересна мешавина на европска крв. Неговиот прадедо Анџело Меси во 1883 година емигрирал од италијанскиот регион Марке, од каде влечат корени и од семејството на мајка му Целија, заедно со врски од регионот Калабрија. Покрај силната италијанска линија, семејството има и помал дел каталонско (шпанско) потекло. Оваа комбинација на италијански жар, шпанска прецизност примена во Ла Масија и аргентински уличен инает го создадоа најголемиот на сите времиња.
Сведоци на последната фудбалска романтика
На неговите години, речиси е невозможно да очекуваме дека ќе го гледаме Меси и на наредното Светско првенство. Токму затоа, секоја негова минута на теренот денес е чисто злато. Ние сме веројатно последната генерација која е сведок на фудбалски генијалец од калиброт и романтиката на Диего Марадона.
Податокот дека против Англија претрча 8,37 километри (негов рекорд на ова првенство во регуларни 90 минути) е само бројка, но вистинската магија се криеше во моментите кои остануваат вечно врежани во меморијата. Како онаа филмска сцена кога Меси со топка во нозете сам издрибла дури четворица англиски фудбалери, кои во немоќ и паника сфатија дека единствениот начин да го спречат е – брутален фаул. Уживајте додека сè уште трае, бидејќи кога Лео ќе замине, фудбалот веќе никогаш нема да биде ист.
И за крај погледнети ги сите допири на Меси со топката во мечот со Англија и уживајте бидејќи нема зборови со кои може да се опишат овие мајстории.
